Saturday, March 19, 2016

東德 cult 片 Die Legende von Paul und Paula


去年年底適逢兩德統一25年, 政府「宣傳部」(宣傳部當然係戰時術語, 但今時今日做既野其實都係舊酒新瓶) 搞左一系列既戶外放映, 令我有機會睇到呢部咁正既 1973 年東德 cult 片- Die Legende von Paul und Paula。故事講述單親媽媽 Paula 同對面樓既已婚漢 Paul 一見鍾情, 發展左一段可歌可泣的婚外情。

影片一大特色是有異常多的裸露場面 (包括全裸),尺度之寬比現時的電影更甚。在當時的東德,電影創作當然要符合官方主旋律,反映出官方係想透過電影可以容許裸露鏡頭,向外界證明東德是一個開放先進的體制;另一方面,即使民間有質疑或反對聲音,亦都會因為官方既打壓而得不到關注,例如西方可能會出現既宗教團體或女權組織反對聲音,在東邊就比較難發聲。

這亦正正是獨裁政權常用既招數,就是在官方框架容許之下,人民都擁有「自由」和「權利」,但只要上面轉風向,這種自由就會在朝夕之間被剝奪。這部電影的下場亦都不例外,自從主要演員逃到西德、被視為叛徒之後,電影就逃不過被禁映的命運。

電影入面既城市風貌,演員既演出,虛幻同現實交錯的表現手法,甚至係婦女生育政策,覺得好精彩,推介俾想認識東德文化既人。

No comments: